दिल्ली दरबारात अखिल भारतीय सफाई मजदूर कांग्रेस युनियनचा दणदणीत एल्गार; सफाई कामगारांच्या हक्कांच्या प्रश्नांवर राष्ट्रीय अनुसूचित जाती आयोगाशी महत्त्वपूर्ण चर्चा!

ByTushar Gaikwad

Aug 17, 2026 ##ajitpawar, ##AkhilBharatiyaSafaiMazdoorCongress, ##bjpmaharashtra, ##CasteCertificate, ##Congress, ##ContractLabourAbolition, ##DelhiVisit, ##EmployeeProtection, ##GovindbhaiParmar, ##HousingRights, ##KishorbhaiMakwana, ##Loksatta, ##Maharashtra, ##marathinews, ##Mumbai, ##MumbaiSafaiWorkers, ##NationalCommissionForScheduledCastes, ##NavinchandraMakwana, ##ncp, ##ncpmaharshtra, ##pune, ##SafaiKamgar, ##sharadpawar, ##supriyasule, ##WorkerRights, ##अखिलभारतीयसफाईमजदूरकांग्रेस, ##कंत्राटीपद्धतबंद, ##कर्मचारीसंरक्षण, ##कामगारहिताचेोक्षे, ##किशोरभाईमकवाना, ##गोविंदभाईपरमार, ##जातिप्रमाणपत्र, ##दिल्लीदौरा, ##नवीनचंद्रमकवाना, ##मराठीबातम्या, ##मालकीहक्कघर, ##मुंबईसफाईकामगार, ##राष्ट्रीयअनुसूचितजातीआयोग, ##लोकसत्ता, ##सफाईकामगार

विशेष प्रतिनिधी / अनिल वाघेला

मुंबई /दिल्ली : अखिल भारतीय सफाई मजदूर कांग्रेस युनियनचे राष्ट्रीय अध्यक्ष श्री. गोविंदभाई परमार यांच्या नेतृत्वाखाली एका उच्चस्तरीय शिष्टमंडळाने नुकतीच नवी दिल्ली येथे राष्ट्रीय अनुसूचित जाती आयोगाचे (भारत सरकार) माननीय अध्यक्ष श्री. किशोरभाई मकवाना यांची सदिच्छा भेट घेतली. महाराष्ट्र राज्य आणि विशेषतः मुंबईतील सफाई कामगारांच्या न्याय्य हक्कांसाठी, त्यांच्या कायदेशीर संरक्षणासाठी आणि प्रलंबित मागण्यांवर या बैठकीत अत्यंत सकारात्मक चर्चा झाली.युनियनचे मुख्य प्रवक्ता व मुंबई उपाध्यक्ष नवीनचंद्र मकवाना यांनी दिलेल्या माहितीनुसार, या बैठकीत महाराष्ट्र राज्यातील सफाई कर्मचाऱ्यांच्या हिताशी निगडित असणाऱ्या अत्यंत महत्त्वाच्या आणि ज्वलंत विषयांवर सविस्तर चर्चा करण्यात आली.

जात प्रमाणपत्रांचे सुलभीकरण: सफाई कामगार व त्यांच्या वारसदारांना जात प्रमाणपत्र मिळवताना येणाऱ्या तांत्रिक आणि कायदेशीर अडचणी दूर करून वेळेत प्रमाणपत्र मिळण्याबाबत ठोस चर्चा झाली.
हक्काचे घर (मालकी हक्क): मुंबईतील सफाई कामगारांना हक्काची घरे मिळणे आणि त्यांच्या पुनर्वसनाचा प्रश्न कायदेशीर चौकटीत राहून सोडवण्यावर भर देण्यात आला.
कंत्राटी पद्धतीला विरोध व उच्च न्यायालयाचे नियम: माननीय उच्च न्यायालयाच्या स्पष्ट आदेशानुसार आणि नियमांनुसार, सफाई कामगारांच्या कामात कोणतीही कंत्राटी (कॉन्ट्रॅक्ट) पद्धत नसावी. सर्व कर्मचाऱ्यांना कायमस्वरूपी सेवेत सामावून घेऊन त्यांना समान काम, समान वेतन व कायदेशीर सुरक्षा मिळवून देण्याच्या मुद्द्यावर गंभीर मंथन झाले.

या शिष्टमंडळाच्या वतीने माननीय श्री. किशोरभाई मकवाना यांचा शाल, पुष्पगुच्छ व सन्मानचिन्ह देऊन गौरव करण्यात आला. त्यांच्या यशस्वी कारकिर्दीबद्दल त्यांना मनःपूर्वक शुभेच्छा देण्यात आल्या असून, राष्ट्रीय स्तरावरून सफाई कामगारांच्या पाठीशी खंबीरपणे उभे राहिल्याबद्दल युनियनच्या वतीने त्यांचे विशेष आभार मानण्यात आले.या उच्चस्तरीय भेटीमुळे आणि सकारात्मक चर्चेमुळे महाराष्ट्रातील आणि मुंबईतील लाखो सफाई कामगारांच्या आशा पल्लवित झाल्या आहेत. कायदेशीर मार्गाने लढल्या जाणाऱ्या या लढ्यामुळे कामगारांच्या संरक्षणाला आणि हक्कांना बळ मिळाले असून, या यशामुळे संपूर्ण कामगार वर्गात एक नवी ऊर्जा आणि चैतन्य निर्माण झाले आहे.