पुणे: प्रतिनिधी | शंकर जोग
भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या जयंतीनिमित्त पुण्यात विविध सामाजिक संस्थांच्या वतीने आदरांजली वाहण्यात आली. ‘डॉ. बाबासाहेब आंबेडकर इंजिनीअर्स असोसिएशन, पुणे’ च्या वतीने पुणे जिल्हाधिकारी कार्यालयासमोरील बाबासाहेबांच्या पुतळ्यास पुष्पहार अर्पण करून विनम्र अभिवादन करण्यात आले.
असोसिएशनचे अध्यक्ष पांडुरंग शेलार यांच्या हस्ते पुष्पहार अर्पण करण्यात आला. यावेळी बोलताना शेलार यांनी बाबासाहेबांच्या तंत्रज्ञान विषयक दूरदृष्टीचा आणि राष्ट्रनिर्माणातील त्यांच्या योगदानाचा गौरव केला. कायद्याच्या चौकटीत राहून आणि पुरोगामी विचारांची कास धरून समाजाच्या प्रगतीसाठी अभियंत्यांनी योगदान द्यावे, असा सूर यावेळी उमटला.
यांची होती उपस्थिती:
या प्रसंगी मान्यवरांची मोठी उपस्थिती होती. यामध्ये प्रामुख्याने:
- गंगाराम कंधारे (माजी सचिव, सार्वजनिक बांधकाम विभाग)
- सुखदेव तात्या सोनवणे (प्रदेशाध्यक्ष, दलित पँथर महाराष्ट्र)
- इंजि. विठ्ठल वाघमारे
- पंडित त्रिभुवन
- उज्वला भोसले
यांसह असोसिएशनचे इतर पदाधिकारी आणि कार्यकर्ते मोठ्या संख्येने उपस्थित होते. जयंतीच्या निमित्ताने जिल्हाधिकारी कार्यालय परिसर ‘भीममय’ झाला होता, तिथे अत्यंत शिस्तबद्ध पद्धतीने हे अभिवादन करण्यात आले.