पुणे | 23 जुलै 2025
दिनांक 23 जुलै 2025 रोजी पुणे येथे सामाजिक न्याय विभागाच्या प्रदेश कार्यकारिणीची एक महत्वपूर्ण बैठक पार पडली. या बैठकीसाठी महाराष्ट्रातील विविध जिल्ह्यांमधून विभागाचे प्रमुख पदाधिकारी मोठ्या संख्येने उपस्थित होते. यामध्ये नवी मुंबई शहर जिल्हा, लातूर जिल्हा, उस्मानाबाद जिल्हा, अकोला शहर जिल्हा, पिंपरी चिंचवड जिल्हा, सातारा जिल्हा, बुलढाणा जिल्हा, जालना जिल्हा, पुणे जिल्हा, कोल्हापूर जिल्हा, सांगली जिल्हा आणि नांदेड जिल्हा यांचा समावेश होता.
या बैठकीचे प्रमुख नेतृत्व सामाजिक न्याय विभागाचे प्रदेशाध्यक्ष मा. पंडित कांबळे यांनी केले. त्यांनी सर्व जिल्ह्यांतील उपस्थित पदाधिकाऱ्यांचे मनःपूर्वक स्वागत केले आणि व्यक्तिगत गाठीभेटी घेऊन संवाद साधला. बैठकीदरम्यान विविध सामाजिक मुद्द्यांवर चर्चा करण्यात आली, तसेच आगामी काळातील कार्ययोजना आणि संघटनात्मक बांधणीबाबत मार्गदर्शन करण्यात आले.
बैठकीत सामाजिक न्याय विभागाच्या कार्यकर्त्यांनी स्थानिक स्तरावर येणाऱ्या अडचणी, सरकारदरबारी प्रलंबित मागण्या आणि सामाजिक समतेसाठी राबविण्यात येणाऱ्या उपक्रमांविषयी मते मांडली. अनेक पदाधिकाऱ्यांनी आपल्या जिल्ह्यांतील कार्याचा आढावा दिला आणि विभागाच्या कार्याची दिशा अधिक स्पष्ट केली.
प्रदेशाध्यक्ष पंडित कांबळे यांनी आपल्या भाषणात सांगितले की, “सामाजिक न्याय विभाग हा फक्त आरक्षण किंवा सवलतींसाठी लढणारा विभाग नसून, समाजातील वंचित, शोषित आणि दुर्बल घटकांना खऱ्या अर्थाने न्याय मिळवून देणारा एक क्रांतिकारी यंत्रणा आहे. यासाठी सर्व पदाधिकाऱ्यांनी एकत्र येऊन काम करण्याची आज गरज आहे.”
या बैठकीत पुढील महिन्यांत विविध जिल्ह्यांमध्ये जनजागृती मोहिमा, शिबिरे, मार्गदर्शन सत्रे घेण्याचा निर्णयही घेण्यात आला. या बैठकीने सामाजिक न्याय विभागाच्या संघटनात्मक कार्याला एक नवी दिशा आणि गती दिली असल्याचे मत अनेक पदाधिकाऱ्यांनी व्यक्त केले.