मुंबई (घनश्याम आंबोकर):
सक्रिय पत्रकारितेसोबतच साहित्यिक क्षेत्रात आपल्या वेगळ्या लेखनशैलीने स्वतंत्र स्थान निर्माण केलेले आमचे सहकारी, पत्रकार तथा ‘संधिकाळ प्रकाशन’चे प्रकाशक अरविंद जोशी यांच्या दोन नव्या बहुचर्चित कादंबऱ्यांचे प्रकाशन नुकतेच एका दिमाखदार सोहळ्यात पार पडले.
राज्याचे सांस्कृतिक मंत्री आशिष शेलार यांच्या हस्ते या दोन्ही कादंबऱ्यांचे अनावरण करण्यात आले. ‘परिक्रमा’ आणि ‘क्लोज्ड एन्काउंटर’ अशी या दोन्ही ग्रंथांची नावे असून, या कृतीतून वाचकांना वैचारिक आणि रंजक साहित्यकृतीची मेजवानी मिळणार आहे.
मान्यवरांची विशेष उपस्थिती
मुंबईत पार पडलेल्या या प्रकाशन सोहळ्याला पत्रकारिता, नाट्य, कला आणि साहित्य क्षेत्रातील अनेक नामवंत दिग्गज उपस्थित होते. सांस्कृतिक मंत्री आशिष शेलार यांनी यावेळी अरविंद जोशी यांच्या साहित्यिक प्रवासाचा गौरव केला. पत्रकारितेच्या धकाधकीच्या विश्वात वावरत असतानाही त्यांनी संशोधनात्मक आणि व्यासंगी लेखन सुरू ठेवल्याबद्दल उपस्थितांनी त्यांचे कौतुक केले.
वाचकांमध्ये मोठी उत्सुकता
अरविंद जोशी यांनी वृत्तपत्रसृष्टीत आपल्या टोकदार आणि विश्लेषणात्मक लेखनाने एक वेगळी ओळख निर्माण केली आहे. त्यांची ही नवी दोन्ही पुस्तके वाचकांच्या पसंतीस उतरतील आणि मराठी साहित्यविश्वात या कादंबऱ्यांची नक्कीच चर्चा होईल, असा सखोल विश्वास यावेळी व्यक्त करण्यात आला. सोहळ्यानंतर साहित्य वर्तुळातून त्यांच्यावर अभिनंदनाचा वर्षाव होत आहे.